Төрийн тахилгын ёслол үйлдэх ажлыг зохион байгуулах тухай

НИЙСЛЭЛИЙН
ИРГЭДИЙН ТӨЛӨӨЛӨГЧДИЙН ХУРЛЫН
ТЭРГҮҮЛЭГЧДИЙН ТОГТООЛ

 
 
2020 оны 11 сарын 06               Дугаар  02                            Улаанбаатар хот
 
 

Төрийн тахилгын ёслол үйлдэх ажлыг
 зохион байгуулах тухай

 
 
          Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 25 дугаар зүйлийн 25.1 дэх хэсэг, Монгол Улсын Ерөнхийлөгчийн 2020 оны 21 дүгээр захирамжийг тус тус үндэслэн Нийслэлийн иргэдийн Төлөөлөгчдийн Хурлын Тэргүүлэгчдээс ТОГТООХ нь:
 
          1.Богдхан уулын тэнгэрийг тайх төрийн тахилгын ёслолыг 2020 оны 11 дүгээр сарын 09-ний өдөр /XVII жарны Хотол төгс цагаан хулгана жилийн намрын адаг өлзийт улаан нохой сарын 24-ний өдөр/ үйлдэх ажлыг зохион байгуулсугай.

     2.Богдхан уулын тэнгэрийг тайх төрийн ёслолын ажиллагааны хөтөлбөрийг хавсралтаар баталсугай.

        3.Богдхан уулын тэнгэрийг тайх төрийн ёслолын ажиллагааг зохион байгуулах комиссын бүрэлдэхүүн, бэлтгэл ажлын төлөвлөгөөг батлан, шаардагдах зардлыг шийдвэрлэж ажиллахыг Нийслэлийн Засаг дарга бөгөөд Улаанбаатар хотын Захирагч /Д.Сумъяабазар/-д даалгасугай.
 
 
 
 
 

ДАРГА                                       Ж.БАТБАЯСГАЛАН